9:05 PM
Unknown
சற்றே ஓய்வெடுத்துக் கொள்ளுங்கள்.
எவ்வளவு தூரம் கடந்து விட்டர்கள்.
ஒரு காலத்தினில்,
ஏட்டுக் கல்வி மறுக்கப்பட்ட நீங்கள்
இன்று ஏடுகளில் எழுதப்படுகிறீர்கள்.
சமையலறை தாண்டாத நீங்கள் இன்று
சந்திராயனிலும் சாதித்தீர்கள்.
அங்கம் மட்டுமே கொடுத்துவந்த நீங்கள்
நாட்டிற்கு தங்கமும் வென்று கொடுத்தீர்கள்.
ஆடவரால் ஆளப்பட்ட நீங்கள்
இன்று அரசாளுகிறீர்கள்.
ஒப்பனைப் பதுமைகள் என்ற எண்ணம் கொன்று
ஒப்பிலாப் படைப்புகள் கொடுத்தீர்கள்.
கட்டிலையும் அதன் விளைவாய் தொட்டிலையும்
மட்டுமே கண்டுவந்த நீங்கள்
இன்று கால்பதிக்காத துறைகளுண்டோ.
சக்தி படைத்தீர்கள்
சாமானியம் துறந்தீர்கள்
சடுதியில் விரைந்து
சரித்திரம் படைத்தீர்கள்.
பெண்களே!!!
சற்றே ஓய்வெடுத்துக் கொள்ளுங்கள்.
இன்னும் பயணிக்க வேண்டிய தூரம்
நிறைய இருக்கின்றது.
சிகரம் மட்டுமே உன் இலக்கல்ல
விண்ணையும் தொடு இனி
விதியென்ற வீண் பேச்சு உனக்கல்ல.
இவ்வளவும் சாதித்த உங்களுக்காகவே
என் மகளிர் தின வாழ்த்துக்கள்.
